vincen...............................................................................................................................................................................
pi scriviri na cosa ai tri di notti
ci voli aria sirena e ment'aperta
ni vinni su pinseri e sunnu botti
chi carmanu li sensi sempri all'erta.
Nell'ura ca l'amuri si va ammuccia
quannu lu sangu ammutta li picciotti
a cuculiari n'mezzu a la restuccia
ppi nu sapiri di l'oscura sorti,
lassamu musica, baccanu e cumpagnìa
scurdamu i cosi trubuli e l'amici
circannu la parola chiù filici
pi fari quattru righi di puisìa.
stetti comu un ramu d'ulivu ad aspittariti.
e tu arrivasti.
t'imagginavu in tutti li maneri
ma t'nni isti.
eratu beddra ne' primi jorna di lu misi,
tuttu parìa eternu nni dri jorna.
fimmina 'nfideli
ti vogliu ancora comu lu primu jornu,
ardu comu un focu di falò,
ma tu un m'accittasti.
puru lu sangu ti sucasti
e ora t'aspittamu pi natri deci misi
picchì na cosa mi dicisti
e l'ha rispittari.
t'aspettu pi comu ti prumisi.
AMICI ME', SEMU ORMAI DI FINUTA
LA RACINA HAVI LU GRADU E ASPETTA SULU D'ESSIRI CUGLIùTA.
PARSI AJERI C'ARRIVAMU N'TI STU POSTU
E SEMU JUNTI O TRENTA D'AùSTU.
COMU OGNI ANNU NNI L'HAMU PASSATU
SULI, MARI E 'NA SUNATA,
CERTU, NENTI DI STRAORDINARIU AMU CUNCLUSU:
SEMPRI N'TE STESSI COSI AM'APPUZZATU
MA LA VOSTRA CUMPAGNIA IN JORNA SPECIALI L'HA TRASFURMATU.
E PI CU HA STATU MALI
NUN SI ITTASSI N'TO SCUNFORTU
CARU AMICU, N'TE NOSTRI CORI PI TIA C'è SEMPRI UN POSTU
E SI PO PARIRI SPISSU N'TRA MUNTATA
BRINDISI FAZZU AMICI MEI A LA VITA.
